To the current situation of Pakistan.

Ab kis kaa jashn manaate ho us des kaa jo taqsim huaa
ab kis ke giit sunaate ho us tan-man kaa jo do-nim huaa

us parcham kaa jis kii hurmat baazaaro(n) me(n) nelaam hu_ii
us miTTii kaa jis kii hurmat mansuub uduu ke naam hu_ii

us jang ko jo tum haar chuke us rasm kaa jo jaarii bhii nahii.n
us zaKhm kaa jo siine pe na thaa us jaan kaa jo vaarii bhii nahii.n

us Khuun ka jo bad_qismat tha raaho(n) me(n) bahaya tan me(n) raha
us phuul ka jo bayqeemat tha aangan me(n) khila yaa ban me(n) raha

un masuumo(n) ka jin ke lahuu se tum ne farozaa(N) raate(n) kii(n)
yaa un mazalumo(n) kaa jis se Khanjar ki zubaa(N) me(n) baate(n) kii(n)

in nohagaro(n) ka jinhone hame(n) Khud qatl kiya Khud rote hai(n)
aise bhii kahii(n) dam_saaz hue aise jallaad bhi hote hai(n)

un bhuuke nange DhaaNcho(n) ka jo raqs sar-e-baazaar kare(n)
ya un zaalim qazzaaqo(n) kaa jo bhes badal kar vaar kare(n)

yaa un JhuuTe iqaraaro(n) kaa jo aaj talak aifaa na hue
yaa un bebas laachaaro(n) kaa jo aur bhii dukh kaa nishaanaa hue

aaNkho(n) mei(n) chhupaye ashko(n) ko honTho(n) mei(n) wafa ke bol liye
is jashn me(n) tu bhii shaamil hoja haaton may bhara kashkol liye

--Ahmed Faraz